Թուրքական Anadolu լրատվական գործակալության փոխանցմամբ՝ Թուրքիայի նախագահ Ռեջեփ Էրդողանը մեկնելու է Արևելյան Աֆրիկայի մի շարք երկրներ՝ Տանզանիա, Մոզամբիկ ու Մադագասկար, որից առաջ հայտարարել է, որ այդ երկրների իշխանությունների հետ քննարկելու է գյուլենականների դեմ պայքարը։
Խոսելով ԱՄՆ-ում կատարված իշխանափոխության մասին՝ Էրդողանը հայտարարել է. «ԱՄՆ նոր նախագահ Դոնալդ Թրամփն արել է մի շարք հայտարարություններ, որոնց ուշադիր ուսումնասիրում ենք։
Թուրքիային հետաքրքրում է նաև Մերձավոր Արևելքում տիրող իրավիճակը և մասնավորապես տվյալ տարածաշրջանի հանդեպ Թրամփի վարչակարգի դիրքորոշումը։
ԱյսօրՄերձավոր Արևելքը կրակի մեջ է։ Թուրքիան կողմ է այնպիսի Մերձավոր Արևելքին, ուր կհարգվի յուրաքանչյուր երկրի տարածքային ամբողջականությունը։ Անկարան դեմ է տարածաշրջանի մասնատմանը։
Թուրքիան չի աջակցի տարածաշրջանի խաղաքարտերը փոխելու փորձերին։ Անկասկած է, որ այդ հարցերը ես Թրամփի հետ կքննարկեմ Վաշինգտոն կատարելիք այցի ժամանակ։ Թուրքիան Մերձավոր Արևելքի ամենաուժեղ երկիրն է, որը ազդում է տարածաշրջանի գործընթացների ընթացքի վրա»։
