Բրիտանական The Independent թերթի փոխանցմամբ՝ ԱՄՆ նորընտիր նախագահ Դոնալդ Թրամփը երդմնակալության արարողության ժամանակ երդում է տալու նախկին նախագահներից Աբրահամ Լինքոլնին պատկանած Աստվածաշնչի վրա։
Բացի այդ, Թրամփն օգտագործելու է նաև իր մոր նվիրած Աստվածաշունչը՝ նվիրված 1955 թվականին դպրոցն ավարտելու հետ։ Մեկնաբանելով Լինքոլնի Աստվածաշունչը վերցնելու Թրամփի որոշումը՝ երդմնակալության հարցերով հանձնաժողովի ղեկավար Թոմ Բարաքը հայտարարել է, որ Թրամփը, տալով 156 տարի առաջ հնչած երդումը, ձեռքը դնելու է երկու Աստվածաշնչի վրա, որոնցից մեկը մեծ կարևորություն ունի իր ընտանիքի, իսկ մյուսը՝ իր երկրի համար։
Լինքոլնի Աստվածաշունչը նախագահի երդմնակալության արարողության համար գնվել է 1861 թվականին։ Մինչև Թրամփն այն նախագահի երդմնակալության համար օգտագործվել է միայն երեք անգամ. անձամբ Լինքոլնի կողմից, և երկու անգամ Բարաք Օբամայի կողմից՝ 2009 և 2013 թվականներին։
