Եգիպտոսի ՆԳՆ-ն արգելել է «ժողովրդական պարեկների» գործունեությունը, որոնք ստեղծվել էին «Մուսուլման եղբայրների» ակիտիվիստներին հակազդելու համար: Այս մասին հայտնում է ITAR-TASS-ը:
Բանակի և իսլամիստների միջև հակամարտության սրումից հետո քաղաքներում սկսել էին ձևավորվել կամավորների հատուկ կոմիտեներ: Նրանք կանգնեցում էին ավտոմեքենաներն ու ստուգում անցորդների փաստաթղթերը:
Ինչպես նշվում է Եգիպտոսի ՆԳՆ հայտարարության մեջ, իշխանությունները նման պարեկների գործունեությունն անօրինական են համարում:
Այսօր Եգիպտոսի առաջին փոխվարչապետ և պաշտպանության նախարար Աբդել Ֆաթահ Աս-Սիսին բարձրաստիճան զինվորականների հետ հանդիպման ժամանակ նախազգուշացրել է, որ Եգիպտոսի իշխանությունները երկրի պառակտման ռիսկի առջև լուռ չեն մնա:
Դիմելով «Մուսուլման եղբայրների» ակտիվիստներին՝ պաշտպանության նախարարը կոչ է արել նրանց վերանայել իրենց դիրքորոշումը և խոստովանել, որ իշխանություն շնորհելու և այն վերցնելու լեգիտիմությունը պատկանում է ժողովրդին:
