Թուրքական Anadolu լրատվական գործակալության փոխանցմամբ՝ Թուրքիայի փոխվարչապետ Նուման Քուրթուլմուշը հայտարարել է, որ Թուրքիան տարածաշրջանում ձգտում է խաղաղության և ի սկզբանե ճիշտ դիրքորոշում է որդեգրել սիրիական հակամարտության հանդեպ.
«Անկարան ձգտում է Սիրիայի ժողովրդավարական ինստիտուտների զարգացմանը։ Սակայն պետք է խոստովանել, որ Թուրքիան չեն բավականացրել ուժերը՝ քայլեր ձեռնարկելու համար, որոնք կնպաստեին հարևան երկրում քաղաքական համապատասխան լծակների ձևավորմանը։
Միջազգային հանրությունը լուրջ աջակցություն չի ցուցաբերել Սիրիայի ժողովրդավարական գործընթացներին։ ԱՄՆ-ն ու միջազգային դաշինքը միասնական կարծիք չեն ունեցել սիրիական հակամարտության կարգավորման հարցում։
Թուրքիայի նպատակը հարևան երկրներն օկուպացնելը չէ։ Մենք միայն ձգտում ենք արմատախիլ անել ահաբեկչությունը տարածաշրջանում։ Դա գիտակցում են թե՛ ռուսները, թե՛ ամերիկացիները։ Անկարայի դիրքորոշումը բավական հստակ է»։
