Էկավադորի նախագահ Ռաֆայել Կորեան թույլ է տվել սկսել նավթի արդյունահանման աշխատանքներն Ամազոնի կուսական արևադարձային անտառներում: Նա այդ որոշումը բացատրել է նրանով, որ հարուստ երկրները գումար չեն գտել՝ փոխհատուցելու Էկվադորի տնտեսական կորուստները հանքավայրերի պահպանումից: Այս մասին հայտնում է BBC-ն:
2007 թվականին Կորեան հայտարարել էր «Յասունի» ազգային պարկի փրկության պլանի մասին, որը միջազգային բարեգործական նվիրատվություններ էր նախատեսում:
Վերջերս ազգին հղված հեռուստաուղերձում նախագահը հայտարարել է, որ ծրագիրը ձախողվել է, և Էկվադորն այլընտրանք չունի՝ բացի հանքավայրերի շահագործումից:
Ռաֆայել Կորեան հավելել է, որ որոշումը եղել է իր նախագահության ընթացքում ընդունված որոշումներից ամենադժվարինը:
Բնապահպանները հաստատում են, որ նավթի արդյունահանումն անդառնալի վնաս կհասցնի Ամազոնի արևադարձային անտառներին:
