Այսօր, ժամը 12:00-ին վարչական դատարանի դիմաց գազի և էլեկտրաէներգիայի թանկացման դեմ ակցիա կլինի: ՀՀ վարչական դատարանը արդեն երրորդ անգամ հետ է վերադարձնում գազի և էլեկտրաէներգիայի թանկացման և քաղաքացիների իրավունքների ոտնահարման հետ կապված հայցը:
Ակտիվիստների տարածած հաղորդագրության մեջ նշվում է.«Անկախ ամեն ինչից ու ամենքից, եթե նույնիսկ ՀՀ վարչական դատարանը 100 անգամ վերադարձնի հայցը միևնույն է մենք տեր ենք լինելու մեր իրավունքներին ու կրկին դիմելու ենք դատարան, քանի որ մեր պայքարը ազնիվ է»:
Ակտիվիստները խնդրում են բոլոր ՀՀ քաղաքացիներին, ում հուզում է այս խնդիրը, միանալ իրենց պայքարին:
Լուսանկարը՝ PanARMENIAN Photo-ի
