Ճապոնիայի վարչապետ Սինձո Աբեն Երկրորդ համաշխարհային պատերազմի տարիներին երկրի կապիտուլյացիայի կապակցությամբ իր ելույթում 1994 թվականից ի վեր առաջին անգամ չի տվել «երբեք չպատերազմելու երդումներ»: Կառավարության գործող ղեկավարի բոլոր նախորդները վերջին 19 տարիներին պարտադիր կերպով կիրառել են իրենց ելույթներում այդ ձևակերպումը: Այս մասին հայտնում է ITAR-TASS-ը:
Ճապոնիայի վարչապետը չի հիշտակել նաև ասիական երկրների հանդեպ ռազմական ագրեսիայի դրսևորման համար Ճապոնիայի պատասխանատվության մասին և ներողություն չի խնդրել, ինչը նախկինում հանդիսանում էր նման միջոցառումներում վարչապետների խոսքի անքակտելի մաս: Աբեն հաստատել է խաղաղության ամրապնդման Տոկիոյի հակվածությունը:
Ելույթի ավարտին նա լռության րոպե է հայտարարել, որից հետո Ճապոնիայի կայսր Ակիհիտոն աղոթք է կարդացել ողջ աշխարհում խաղաղության պահպանման համար: Հիշատակի արարողությանը մոտ 700 մարդ է մասնակցել, այդ թվում՝ կայսերական ընտանիքի անդամները, պատգամավորներ, զոհվածների հարազատները:
