Բելգիայում ձերբակալվել են 10 դեռահասներ, ովքեր ծրագրել էին ահաբեկչություններ իրականացնել սուրբծննդյան տոնավաճառներում։ Այս մասին հայտնում է Laatste Nieuws թերթը։ Այդ տեղեկությունը հաստատել է թագավորության դաշնային դատախազության ներկայացուցիչ Էրիկ Վան Դեր Սիպտը։ Նրա խոսքով՝ ձերբակալված դեռահասները հավաքագրված են եղել ծայրահեղական կազմակերպությունների կողմից՝ ահաբեկչությունների նախապատրաստման կամ իրականացման համար։
Պարբերականի հաղորդմամբ՝ տղաները համացանցի միջոցով ստացել են հրահանգներ, թե ինչպես սպանություն իրագործել կամ ռումբ պատրաստել։ Հաղորդվում է, որ ԴԱԻՇ-ը ներկայում դեռահասների է հավաքագրում մուսուլմանական միջավայրում՝ նրանց ձեռքով եվրոպական երկրներում ահաբեկչություններ կատարելու համար։
Der Spiegel-ն ուրբաթ հայտնել էր, որ Գերմանիայի արևմուտքում ծագումով Իրաքից12-ամյա տղա է ձերբակալվել՝ սուրբծննդյան տոնավաճառում ահաբեկչություն իրականացնեու փորձի համար։ Դեռահասը փորձել էր ակտիվացնել պայթուցիկ սարքը, սակայն դետոնատորը չէր աշխատել։
