Ռուսական RIA Novosti լրատվական գործակալության փոխանցմամբ՝ Ուկրաինայի վարչապետ Վլադիմիր Գրոյսմանը խոստացել է, որ Ուկրաինան իրեն չի վերցնի ռուսական տարանցիկ գազը։
Այդ մասին հայտարարել է Ուկրաինայի էներգետիկայի նախարար Իգոր Նասալիկը: Նրա խոսքերով՝ Գրոյսմանը հավաստիացրել է, որ եվրոպացի սպառողները կստանան անհրաժեշտ ծավալի ռուսական գազ։
Նախարարը հավելել է, որ ներկա դրությամբ «գազային նոր փաթեթի» ստորագրումը կրիտիկական չէ Ուկրաինայի համար, որն առանց դրա էլ կարող է երաշխավորել ռուսական գազի անխափան տարանցումը դեպի Եվրոպա։
Նասալիկն ընդգծել է, որ Ուկրաինան խնդիրներ չունի աշուն-ձմեռ սեզոնին անցում կատարելու համար։ Դեկտեմբերի 14-ին ռուսական «Գազպրոմ»-ի ղեկավար Ալեքսեյ Միլլերը հայտարարել է, որ տուգանքի մասին կիևյան դատարանի որոշումը կարող է «Գազպրոմ»-ին մղել հարկադիր քայլերի։
