ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը Արտակ Զաքարյանն այսօր ԱԺ-ում հայտարարեց, որ եթե տարիներ անց իրեն հարցնեն, թե ինչով է աչքի ընկել այս 5-րդ գումարման Ազգային ժողովը, ինքը կպատասխանի` թեմայից դուրս անիմաստ քննարկումներով: Ըստ ՀՀԿ-ական պատգամավորը նշեց, որ համոզված է՝ օրինակ, երբեք Իսրայելի խորհրդարանը բանակին վերաբերող հարցերն այնպես չի քննարկի, ինչպես դա արեցին Հայաստանի Ազգային ժողովում:
«Խոսում եք կոռուպցիայից, բացթողումներից, եթե համոզված եք, որ դրանք կան, փակ քննարկումների խոսեք: Սակայն փակ քննարկումների ժամանակ այդքան էլ հետաքրքրություն չկա, որովհետև տեսախցիկ չկա, լրագրող չկա»,- ասաց Ա. Զաքարյանը:
Ա. Զաքարյանը կարծիք հայտնեց, որ «Զարուհի Փոստանջյանը վստահաբար այսօր ու վաղը լինելու է ադրբեջանական թերթերի առաջին էջերում` որպես հերոս: Փոստանջյանի ելույթները նորություն չեն մեզ համար, առաջին անգամ չէ, որ նա նման ելույթով է հանդես գալիս: Բոլորս միաբերան համոզում ենք, հորդորում, խնդրում, որ այսօր Արցախի Հանրապետությունը ճանաչելու ժամանակը չէ, բայց նա չորս անգամ այդ մասին նախագիծ է բերել խորհրդարան»:
Մանրամասները՝ տեսանյութում:
