Իսրայելի վարչապետ Բենյամին Նեթանյահուն կարծում է, որ ԱՄՆ-ի նորընտիր նախագահ Դոնալդ Թրամփը կաջակցի իր երկրին։
«Ես գիտեմ Դոնալդ Թրամփին։ Ես նրան շատ լավ գիտեմ։ Եվ ես կարծում եմ, որ նրա դիքորոշումը, նրա աջակցությունն Իսրայելին ակնհայտ է։ Նա շատ ջերմ է վերաբերվում հրեական պետությանը, հրեա ժողովրդին»,-ասել է Նեթանյահուն՝ փոխանցում է RIA Novosti-ն։
Նեթանյահուն խոստովանել է, որ հեռացող նախագահ Բարաք Օբամայի հետ քիչ տարաձայնություններ չի ունեցել, այդ թվում Իրանի հարցով։ Նեթանյահուն հայտարարել է, որ նախկինի պես դեմ է հանդես գալու Իրանի հետ միջազգային հանրության համաձայնագրին։
«Այդ համաձայնագիրը չի խոչընդոտի դեպի միջուկային ռումբ Իրանի ճանապարհին, այն Իրանի համար ուղի կբացի դեպի ռումբ»,-կարծում է Նեթանյահուն։
