Lenta.ru-ի փոխանցմամբ՝ Հնդկաստանում 470 մարդ է մահացել՝ չկարողանալով դիմանալ Թամիլանդ նահանգի ղեկավար Ջայարամ Ջայալալիտայի մահվան վշտին։
Այդ մասին հայտնել է տեղի կուսակցություններից մեկը։ Ընդգծվում է, որ հեղափոխական առաջնորդի մահվան վշտին չդիմացածների ընտանիքներին կփոխանցվի 300.000 ռուփի։
Ջայարամ Ջայալալիտան երկար ժամանակ զբաղեցրել է Թամիլանդ նահանգի գլխավոր նախարարի պաշտոնը, եղել է Հնդկաստանի խորհրդարանի վերին պալատի անդամ։
Նա իր կարիերան սկսել է որպես կինոյի դերասան, իսկ ավելի ուշ դարձել է երկրի ամենահայտնի քաղաքական գործիչներից մեկը։ Ջայալալիտան սրտի կաթվածից մահացել է դեկտեմբերի 5-ին, Չեննաի քաղաքում։
