Ամերիկյան The Washington Post թերթի փոխանցմամբ՝ Ռուսաստանում ԱՄՆ դեսպան Մայքլ Մաքֆոլն իր հոդվածում կոչ է արել փոփոխել օրենսդրությունը, որպեսզի հնարավոր լինի «օտար գործակալ» կատեգորիան տարածել նաև ԶԼՄ-ների վրա, որոնք ազդում են քաղաքական գործընթացների վրա՝ ի շահ օտար ուժերի։
Մաքֆոլն այդ պլանում որպես օրինակ ներկայացրել է ռուսական RT հեռուստաալիքն ու Sputnik լրատվական գործակալությունը, որոնք նրա կարծիքով՝ բաց քարոզչություն են իրականացրել Հանրապետական կուսակցությունից ԱՄՆ նախագահի թեկնածու Դոնալդ Թրամփի օգտին։
Մաքֆոլն ընդունել է, որ իր առաջարկը հակասում է Սահմանադրության առաջին ուղղմանը, որը երաշխավորում է հիմնական իրավունքները և մասնավորապես խոսքի ազատություն։
Մաքֆոլը Ռուսաստանին վերստին մեղադրել է ցանցահեններին օգտագործելու համար՝ Դեմոկրատական կուսակցությունից զգայուն նյութեր հափշտակելու, քվեարկության համակարգը կոտրելու փորձերի համար։ Մաքֆոլը քննադատել է նաև WikiLeaks կայքին՝ ընդգծելով, որ նրա գործունեությունն ուղղված է եղել Դեմոկրատական կուսակցությունից ԱՄՆ նախագահի թեկնածու Հիլարի Քլինթոնի դեմ։
