«Կոռուպցիայի դեմ պայքարը պետք է ուժեղացվի, այն պետք է արշավի ձև կրի, մեզ մոտ դա արշավի ձև չի կրում: Կառավարությունը փորձում է որոշ փոփոխություններ իրականացնելով, պաշտոնյա անձանց փոխելով՝ որոշ չափով նվազեցնել, բայց ձեռնակրություններւմ կոռուպցիոն ռիսկերը մնում են»,- «Առաջին լրատվական»- ի հետ զրույցում այս մասին ասաց Գործատուների հանրապետական միության նախագահ Գագիկ Մակարյանը:
«Ձեռնարկություններից շատերը ստվերից չեն կարողանում դուրս գալ, որովհետև նրանց համար ստվերից դուրս գալը կյանքի, գոյության խնդիր է, որովհետև եթե մրցունակ չէ, եթե բոլոր հարկերը մուծի կամ բոլոր աշխատողների աշխատավարձը ցույց տա, նա կարող է այսօրվա իրավիճակում շուկայից դուրս մղվել: Դա ստիպում է գնալ այլ լուծումների, որոնցից է նաև կոռուպցիոն գործիքների օգտագործումը: Սա միայն կառավարության և պաշտոնյաների խնդիրը չէ, բիզնեսը նույնպես պետք է կառավարության կեցվածքը հարգի և սկսի փոխվել: Բիզնեսը կոորդինացվելու խնդիր ունի, որը կառավարության հաստատուն կեցվածքի ներքո միայն կարող է լինել»,- նշեց Գագիկ Մակարյանը:
Անդրադառնալով մենաշնորհների դեմ պայքարին՝ Գ. Մակարյանը կարծիք հայտնեց, որ եթե մի քանի անգամ բանանի դեպքի նման ցուցադրական կերպով կանխարգելվի ներկրման խոչընդոտումը, դա կարող է զգոնության բերել և որոշ օլիգարխներ, խոշոր ներկրողներ այդպիսի ռիսկերի չեն գնան: Գ. Մակարյանի դիտարկմամբ՝ բիզնեսը զարգանալու համար պետք է անկաշկանդ գործի:
Մանրամասները՝ տեսանյութում:
