«Պաշտպանիր Վրաստանը» կազմակերպության գրեթե 20 անդամներ անցած շաբաթ երեկոյան փչացրել են նախագահ Միխեիլ Սաակաշվիլիի ճաշը Զուգդիդի քաղաքում գտնվող «Դիարոնի» ռեստորանում
Ինչպես լրագրողներին հաղորդել է այդ ընթրիքին հրավիրվածներից մեկը` խորհրդարանական ընդդիմության ներկայացուցիչ Գոգա Խաչիձեն, 15 րոպե տևած անդադար բղավոցները, հայհոյանքները, սուլոցները ստիպել են նախագահին և նրա հյուրերին լքել ռեստորանը։ Այս մասին հաղորդում է «Ինտերֆաքսը»:
Դրա հետ մեկտեղ, «Պաշտպանիր Վրաստանը» կազմակերպության առաջնորդներից Կախա Միքայան լրագրողներին հաղորդել է, որ իր կազմակերպության անդամներն անընդհատ հետևելու են նախագահ Սաակաշվիլիին՝ իրենց դժգոհությունը արտահայտելու համար:
«Այն, ինչ Սաակաշվիլին ինը տարվա ընթացքում արել է ընդդեմ իր ժողովրդի, թույլ չի տալիս նրան հայտնվել հասարակական վայրերում: Որտեղ էլ նա հայտնվի, մենք հետապնդելու ենք, բայց բողոքն արտահայտելու ենք օրենքի շրջանակներում»,- ընդգծել է Միքայան:
