Կալիֆոռնիա նահանգի համալսարանին կից LA BioMed բժշկակենսաբանական հետազոտությունների ինստիտուտի մասնագետները ապացուցել են, որ հղիության ժամանակ ծխելը ավելի երկարատև բացասական ազդեցություն է թողնում, քան ենթադրվում էր: American Journal of Phsiology-Lung Celluar and Molecular Phsiology ամսագրում հրապարակված հետազոտության արդյունքների համաձայն՝ հղիության ժամանակ ծխող կանանց ոչ միայն երեխաների և թոռների մոտ է բարձր վաղ հասակում ասթմայի զարգացման հավանականությունը, այլ նաև նման կանանց թոռների մոտ:
2012թ. առնետների վրա իրականացված փորձը ցույց է տվել, որ այն առնետների երրորդ սերնդի մոտ, որոնց նախատատերը «ծխել են», երբ սպասելիս են եղել իրենց տատերին, պահպանվել են թոքային գործառույթների միևնույն մոլեկուլային մարկերները, որոնք բնութագրական են ասթմատիկ ֆենոտիպի համար, ինչպես նախորդ սերունդների դեպքում:
Վերոնշյալ ֆենոմենը գիտնականները բացատրում են էպիգենետիկ տեսանկյունից:
