Նավթ արտահանող երկրների կազմակերպության (ՕՊԵԿ) անդամները համաձայնության են եկել օրական նավթի արդյունահանման ծավալները 1,2 միլիոն բարելով կրճատելու վերաբերյալ։ Այս մասին հաղորդում է Bloomberg գործակալությունը։
ՕՊԵԿ-ը 8 տարվա մեջ առաջին անգամ որոշել է կրճատել նավթի արդյունահանման ծավալները և սահմանել է օրական 32,5 միլիոն բարելի նշագիծ։
Սեպտեմբերի վերջին Ալժիրում ՕՊԵԿ-ը ոչ պաշտոնական հանդիպմանը համաձայնեցրել էր նավթի օրական արդյունահանումը դարձնել 32,5-33 միլիոն բարել, սակայն յուրաքանչյուր երկրի համար հստակ լիմիտ դեռևս չի սահմանվել։
