Լիբանանի անվտանգության ուժերը որոնում են վաղ առավոտյան առևանգված թուրք օդաչուներին: Օդանավի հրամանատար Մուրատ Ապինարն ու նրա օգնականը ՝ Մուրատ Աղչան, առևանգվել էին մի խումբ անհայտ զինյալների կողմից, որոնք կանգնեցրել էին թուրք ավիաընկերության ավտոբուսը, որում գտնվում էր Բեյրութի միջազգային օդանավակայանի անձնակազմը:
Ձերբակալվել է ավտոբուսի վարորդը: Հայտնի է, որ նա պատկանում է շիական Զուեյտեր կլանին: Դա տեղի ԶԼՄ-ներին առիթ է տվել թուրք օդաչուների առևանգումը կապելու 2012թ. մայիսի 22-ին Աազազ քաղաքում՝ թուրք-սիրիական սահմանին, լիբանանցի գերիների առևանգման գործի հետ՝ հաղորդում է ITAR-TASS-ը:
Մինչ օրս 10 շիա տղամարդիկ գտնվում են «Ախրար աշ-Շամ» խմբավորման ծայրահեղականների ձեռքում: Լիբանանի կառավարության բոլոր փորձերը՝ հասնել պատանդների ազատ արձակմանը, անհաջողությամբ են ավարտվել:
