Մարդաբան Քեթրին Ֆրանկը պնդում է, որ սթրիփ-ակումբներն օգնում են պահպանել ամուսնությունը: Այդ եզրակացությանը նա եկել է մերկապարուհու վեց տարվա աշխատանքից հետո:
Վեց տարի առաջ Ֆրանկի մոտ մերկապարուհիների և արական սեռի ներկայացուցիչների հարաբերությունների վերաբերյալ գիրք գրելու գաղափար է ծագել: Եվ որպեսզի իր աշխատանքն առավելագույնս արժանահավատ լինի, ամերիկուհին աշխատանքի է տեղավորվել սթրիփ-ակումբում և սկսել է ապագա գրքի համար նյութեր հավաքել:
Վեց տարի անց Քեյթը թողարկել է իր Strings and Sympathy գիրքը: Գրքում նա բացատրում է տղամարդկանց կողմից սթրիփ-ակումբներ հաճախելու պատճառները, ինչպես նաև սեփական զգացողությունները, որոնք առաջացել են գիրքը գրելու վեց տարիների ընթացքում:
Սակայն գրքում ամենահետաքրքիրն այն գլուխն է, որտեղ նա պնդում է, որ սթրիփ-ակումբներն օգնում են ամրապնդել և պահպանել ընտանիքը:
Քեթրինն իր գրքում պատմել է, որ իր ամուսնացած հաճախորդների խոսքերով՝ այդպիսի հաստատություններն ամրապնդում են իրենց ամուսնությունները: Նրա հարցերին պատասխանել համաձայնող տղամարդիկ սիրահարված են եղել իրենց կանանց, սակայն նրանց հարկավոր է եղել ազատություն տալ իրենց երևակայությանը:
Պատասխանելով այն հարցին, թե արդյոք Քեթրինը կհամաձայնե՞ր իր ամուսնուն սթրիփ-ակումբ թողնել, գրողը բացասաբար է պատասխանել՝ բացատրելով, որ իրենք այդպիսի զվարճանքների համար գումարներ չունեն:
Քեթրինը նշել է նաև, որ մերկապարուհու աշխատանքը բարձրացրել է իր ինքնագնահատականը, գրում է Daily Mail բրիտանական տաբլոիդը: