«Ինչպես սիրիական կոալիցիան, այնպես էլ Գերագույն ռազմական խորհուրդը նախկինի նման պատրաստ են առաքելության հետ համագործակցության և ուրախ կլինեին ողջունել ՄԱԿ-ի քննիչներին ընդդիմության կողմից վերահսկվող բոլոր տարածքներում»,- նշվում է ՄԱԿ-ի գլխավոր քարտուղար Պան Գի Մունին ուղղված նամակում:
Նամակի հեղինակն իրեն անվանում է ՄԱԿ-ում սիրիական ընդդիմության ներկայացուցիչ:
Իր նամակում Նաջիբա Գադբանը հիշեցրել է, որ Հալեպի արվարձան Խան-ալ-Ասլանը վերջերս «ազատագրվել» է ընդդիմության կողմից և խնդրել է առաքելությանն «անհապաղ միջոցներ ձեռնարկել քիմիական զենքի կիրառման վերաբերյալ տեղեկությունների ստուգման համար, որը ենթադրաբար իրականացել է այդ տարածքում»:
Դրա հետ մեկտեղ նա լռել է այն մասին, որ այդ տարածքի գրավումից հետո գրոհայինները մահապատժի են ենթարկել 120 մարդու, այդ թվում՝ զինվորների և իշխանությունների հետ համագործակցող տեղի բնակիչների: Անցած շաբաթ ՄԱԿ-ում Սիրիայի ներկայացուցիչ Բաշար Ջաֆարին նշել էր, որ այդ սպանդն ուղղված էր վկաների վերացմանը, քանի որ այդ մարդիկ կարող էին վկայություն տալ ՄԱԿ-ի քարտուղարությունում և հստակ մատնանշել քիմիական զենք կիրառողներին:
