Թուրքական բանակի մի քանի զինծառայողներ, ովքեր ծառայություն են անցնում գերմանական Ռամշտայն (Ռայնլանդ-Պֆալց դաշնային հող) քաղաքում գտնվող ՆԱՏՕ-ի ավիաբազայում, Գերմանիայի իշխանություններից քաղաքական ապաստան են խնդրել։ Այս մասին հայտնում է Südwestrundfunk հեռուստաալիքը։
Ապաստան հայցած զինվորականների թիվը չի հստակեցվում, սակայն հեռուստաալիքի տվյալներով՝ ավիաբազայի մոտ 30 աշխատակիցներ հանդիսանում են Թուրքիայի քաղաքացիներ։ Փաստաթղթերում նրանք որպես պատճառ նշել են Թուրքիայում տիրող քաղաքական իրավիճակը, որտեղ հուլիսի 15-ի հեղաշրջման փորձից հետո արդեն 7500 մարդ է ձերբակալել։
Կայզերսլաութերն քաղաքային շրջանի վարչակազմը հաստատել է դիմումների ստացման փաստը։ Սակայն դեռևս որևէ որոշման մասին հայտնի չէ։
