Բելգիայի ներքին գործերի նախարար Յան Յամբոնը մտավախություն ունի, որ Սիրիայում և Իրաքում ԴԱԻՇ-ի կողմից կռվող 3-5 հազար եվրոպացիներ կարող են վերադառնալ Եվրոպա ԴԱԻՇ-ի դիրքերի վրա հարձակումներից հետո։ Այս մասին հայտնում է RTBF հեռուստառադիոընկերությունը։
«Ռաքքայում և Մոսուլում ԴԱԻՇ-ի դիրքերի վրա հարձակվում են։ Բելգիացի մարտիկները կարող են մնալ, որպեսզի օգնեն պաշտպանել ԴԱԻՇ-ին, կամ ԴԱԻՇ-ը իր մարտիկներին հետ կուղարկի։ Խոսքը ոչ միայն 200 բելգիացիների, այլև 3-5 հազար եվրոպացիների մասին է, ովքեր գտնվում են այնտեղ»,-ասել է Յամբոնը։
Սեպտեմբերին բելգիական իշխանությունները հայտարարել էին վարձկանների վերաբերյալ տվյալների բանկի շահագործման հանձնելու մասին՝ նախատեսված հատուկծառայությունների, իրավապահների և իշխանության մարմինների համար։ Բազայում պարունակվում են տեղեկություններ Բելգիայի մոտ 650 քաղաքացիների մասին, ովքեր արդեն հանդիսանում են թեժ կետերում ռազմական գործողությունների մասնակիցներ, գնացել են այնտեղ նման նպատակով կամ դեռ նոր են մտադիր դա անել։
