Երգչուհի Ջանեթ Ջեքսոնի նախկին ամուսինը՝ Ջեյմս Դեբարժը վստահեցնում է, որ ինքն ու Ջանեթը գաղտնի աղջիկ ունեն, որի մասին նախկինում ոչ ոք չի իմացել: Այս մասին հայտնում է Spletnik-ը:
Դեբարժը, որի հետ Ջանեթն ամուսնացած է եղել 1984-1985 թթ., գաղտնի դստեր գոյությունը խոստովանել է ռեալիթի-շոուի եթերում, երբ նրա աղջիկը հարցրել է՝ իսկապե՞ս նա գաղտնի երեխա ունի Ջանեթ Ջեքսոնից: Ի պատասխան՝ երգչուհու նախկին ամուսինն ասել է, որ տարիներ առաջ Ջեքսոնն իսկապես երեխա է ունեցել, բայց որոշել է նրան թաքցնել բոլորից, այդ թվում՝ երեխայի հորից:
«Ես հոգնել եմ գաղտնիքներից: Ես հոգնել եմ նրանից, որ մարդիկ չգիտեն ճշմարտությունը, ախր, երբ բանը հասնում է դրան, բոլորը վախենում են: Ու ես որոշեցի, որ խելացի կլինի ճշմարտությունը պատմել հիմա: Ձեզ հետ ազնիվ լինելու համար պետք է ասեմ, որ ես չգիտեի այդ մասին: Ես ինքս շոկի մեջ էի»,- ասել է Դեբարժը:
Երգչուհին դեռ չի մեկնաբանել տեղեկությունը:
