Lenta.ru-ի փոխանցմամբ՝ YouTube վիդեոհոսթինգի Life Noggin ալիքը տեսանյութ է ներկայացրել, որում բացատրվում է, թե ինչ տեղի կունենա մոլորակի հետ, եթե Հնդկաստանի ու Պակիստանի միջև սկսվի միջուկային պատերազմ։
Ընդգծվում է, որ հարյուրավոր ատոմային ռումբերի պայթյունները, որոնցից յուրաքանչյուրի հզորությունը համեմատելի է Հիրոսիմայի վրա նետված ռումբին, մրի հսկայական ամպեր կբարձրանան մթնոլորտ։
Հասնելով ստրատոսֆերային՝ փոշու այդ ամպերը կսկսեն կլանել արևի լույսը ողջ Երկրագնդում։ Արդյունքում Երկրի մակերևույթին կնվազի ջերմաստիճանը, ինչը կհանգեցնի միջուկային ձմռան։
Ստրատոսֆերայի տաքացումը կհանգեցնի օզոնային շերտի բարակելուն։ Ուլտրամանուշակագույն ճառագայթները ավելի ինտենսիվորեն կվնասեն գյուղատնտեսական կուլտուրաներին ու մարդկանց առողջությանը։
5 տարվա ընթացքում Երկրի միջին ջերմաստիճանը կլինի 1 աստիճան ցածր, քան կար միջուկային աղետից առաջ, իսկ օզոնային շերտի խախտումները կպահպանվեն տասնամյակներ։
