«Մեկ ամիս է, ինչ ես բիզնեսի ներկայացուցիչ չեմ, 25 տարի եղել եմ խոշոր բիզնեսի ներկայացուցիչ, և շատ լավ գիտեմ բիզնեսի ունեցած պրոբլեմներն ու այն խնդիրները, որոնք պետք է լուծել բիզնեսի համար, որպեսզի դաշտը ավելի բացվի: Այնպես որ, քայլերը կանենք, կտեսնեք: Պայքարելու եմ ստվերի դեմ, կպայքարեմ, կտեսնեք, կամ պիտի պայքարենք, կամ պիտի չպայքարենք: Ես միտված եմ պայքարելուն»։ Այս մասին այսօր լրագրողների հետ զրույցում ասաց ՊԵԿ նորանշանակ նախագահ Վարդան Հարությունյանը:
Հարցին, թե ինչպե՞ս է պայքարելու ստվերի դեմ, պարոն Հարությունյանն ասաց․ «Ոնց եմ պայքարելո՞ւ։ Պայքարելու եմ պայքարելով»։
Անդրադառնալով հարցին՝ վարչապետի հայտարարությունից հետո, որ ով ինչ ապրանք ուզենա, կկարողանա ազատ ներկրել, արդեն եղե՞լ են մարդիկ, որոնք սկսել են ազատորեն ներկրել ապրանքներ, ՊԵԿ նախագահը պատասխանեց. «Դիզելային վառելիք ներկրող ունենք, բանան ներկրող ունենք։ Մեկ-երկու մեքենա արդեն ներկրել են, հարկային, մաքսային մարմինների կողմից ոչ մի խոչընդոտ չի եղել»:
Մանրամասները՝ տեսանյութում: