ԱՄՆ նախագահ Բարաք Օբաման չի անհանգստանում՝ կապված այն բանի հետ, որ իր դուստրերը շուտով կսկսեն ժամադրությունների գնալ, քանի որ վստահ է նրանց դաստիարակության հարցում։ Բացի այդ, մշտապես կարող է օգնության գալ Գաղտնի ծառայությունը։
«Իրականում ես չեմ անհանգստանում երկու պատճառով։ Առաջինը՝ Միշելը տալիս է այնպիսի հիանալի օրինակ, թե ինչպես պետք է ինքնադրսևորվել, չկորցնել ինքնագնահատականը, ուշադրություն չդարձնել տղաների կարծիքին արտաքին տեսքի պլանում»,-ասել է նա WDCG ռադիոկայանի հետ հարցարույցում։ Բացի այդ նախագահը կարծում է, որ մարդկանց մասին դատել կարելի է միայն բնավորությունից և խելքից, և դա իր կինը նաև սովորեցրել է դուստրերին։
«Եվ ես հույս ունեմ, որ անձամբ լավ օրինակ եմ ծառայել, թե ինչպես պետք է հարգել սեփական կնոջը»,-հավելել է նա։
Բարաք և Միշել Օբամաները երկու դուստր ունեն՝ 18-ամյա Մալիան և 15-ամյա Սաշան։
