Թուրքիայում արտաքին առևտրի դեֆիցիտը 2013թ.-ի հունիսին աճել է 18.9%-ով՝ 2012թ.-ի նույն ամսվա համեմատ: Այն կազմում է 8.5 մլրդ դոլար: Այդ մասին հաղորդում է Trend գործակալությունը՝ հղում կատարելով Թուրքիայի Վիճակագրության ինստիտուտի հաշվետվությանը:
Թուրքիայում 2013թ.-ի հունիսին արտահանումը 6%-ով կրճատվել է՝ 2012թ.-ի նույն ամսվա համեմատ, և կազմել 12.4 մլրդ դոլար: Դրա հետ մեկտեղ Թուրքիայում ներմուծումը ավելացել է 2.8%-ով՝ կազմելով 21.8 մլրդ դոլար:
ԵՄ երկրներից Թուրքիա ներկրումը 2013թ.-ի հունիսին կազմել է 41.6%՝ այն դեպքում, երբ 2012թ.-ի հունիսին 37.1% էր: