ՀՀ գյուղատնտեսության նախարար Իգնատի Առաքելյանը նոյեմբերի 1-ին հրավիրել էր խորհրդակցություն անասնաբուժության ոլորտին առնչվող խնդիրների քննարկման նպատակով: Խորհրդակցությանը ներկա էին նաև փոխնախարարներ Ռոբերտ Մակարյանը, Արմեն Հարությունյանը, Սննդամթերքի անվտանգության պետական ծառայության պետ Արմեն Հայրապետյանը, «Անասնաբուժասանիտարիայի և բու սասանիտարիայի ծառայությունների կենտրոն» ՊՈԱԿ-ի ղեկավար Արմեն Ավագյանը, ոլորտը ներկայացնող հասարակական կազմակերպությունների ներկայացուցիչներ, գիտնականներ, Հայաստանի ազգային ագրարային համալասարանի դասախոսներ և այլոք: Այս մասին տեղեկացրին ՀՀ գյուղատնտեսության նախարարության հասարակայնության հետ կապերի բաժնից:
«Մենք կազմակերպել ենք այս հանդիպումը նախարարության պատասխանատուների մասնակցությամբ կլոր սեղանի շուրջ մասնագիտական հանրույթի հետ բովանդակային քննարկումներ ունենալու համար, որպեսզի վեր հանենք անասնաբուժության ոլորտի խնդիրները, լսենք ձեր առաջարկությունները` հասկանալու համար, թե ինչ քայլեր պետք է կատարենք այս ոլորտը վերականգնելու համար»,-իր խոսքում նշել է նախարար Առաքելյանը:
Խորհրդակցության ընթացքում մասնավորապես քննարկվել է գյուղատնտեսական կենդանիների հիվանդությունների կանխարգելման, բակային մորթի արգելման և սպանդանոցային մորթի անցման, անասնաբույժների մասնագիտական պատրաստվածության, հարկադիր սպանդի ենթակա հիվանդ կենդանիների դիմաց փոխհատուցման տրամադրման, վերահսկողության խստացման և այլ հարցեր:
Մասնագետների կողմից առաջարկներ հնչեցին անասնաբույժների կարգավիճակի հստակեցման, վարձրատրության բարձրացման, կենդանիների համարակալման, հիվանդությունների կանխարգելման նպատակով հանրային իրազեկման ծրագրերի իրականացման, արհեստական սերմնավորման կիրառման, ներքին վերարտադրության կազմակերպման վերաբերյալ:
Ամփոփելով քննարկման արդյունքները` նախարարը նշել է. «Դոնոր կազմակերպությունների օժանդակությամբ մշակվել է ՀՀ-ում գյուղատնտեսական կենդանիների համարակալման և հաշվառման հայեցակարգը, և այժմ քննարկվում են դրա ֆինանսավորման հարցերը: Կարծում եմ երկրորդ կարծիք լինել չի կարող, որ անասնաբույժները պետք է լինեն հաստիքային աշխատողներ և ֆինանսապես առավել պաշտպանված, ինչի վերաբերյալ մենք համապատասխան առաջարկություն կներկայացնենք կառավարության քննարկմանը: Բացի այդ, մենք այլևս տոհմային երինջների ներկրում չեն իրականացնելու, այլ ներսուÕ ´ ենք կազմակերպելու դրանց վերարտադրությունը, քանի որ ունենք տեղում այդ աշխատանքներն իրականացնելու հնարավորությունն ու կարողությունները»:
