EuroHawk անօդաչու թռչող սարքերի մշակման սկանդալի հետ կապված Գերմանիան և Ֆրանսիան հանդես են գալիս իրենց անօդաչու թռչող սարքերը ԵՄ տարածքում շահագործելու հարցում միևնույն իրավունքներն ունենալու օգտին:
2 երկրների պաշտպանության նախարարները՝ Թոմաս դե Մազերը և Ժան-Իվ Լե Դրիանը, ԵՄ արտաքին գործերի հարցերով գերագույն հանձնակատար Քեթրին Էշթոնին հասցեագրված նամակում նշել են, որ անօդաչու թռչող համակարգերը կարևոր ռազմական նշանակություն ունեն եվրոպական անվտանգությունն ապահովելու գործընթացում:
Գերատեչությունների ղեկավարները Եվրախորհրդին կոչ են արել արդեն դեկտեմբերին քննարկել այն հարցը, թե ինչպես «անօդաչու սարքերը ինտեգրել ԵՄ օդային միությանը»: Spiegel-ը հաղորդում է, որ բացի Գերմանիայի և Ֆրանսիայի պաշտպանության նախարարներից, նամակը ստորագրել են նաև 2 երկրների ԱԳ նախարարներ Գվիդո Վեստերվելեն և Լորան Ֆաբիուսը:
