Թուրքական NTV հեռուստաալիքի փոխանցմամբ՝ Թուրքիայում նոր Սահմանադրության հանրաքվեն, որը նախատեսում է կառավարման խորհրդարանական համակարգից անցում կատարել նախագահական համակարգի, կարող է անցկացվել 2017 թվականի ապրիլին։
Այդ մասին հայտարարել է իշխող «Արդարություն ու զարգացում» կուսակցության (ԱԶԿ) փոխնախագահ Հայաթի Յազըջըն։ Նա չի բացառել, որ Թուրքիայի խորհրդարանում նոր Սահմանադրության նախագիծը կարող է քննարկվել հունվարին, և եթե այն անցնի, ապա կարող է ապրիլին դրվել հանրաքվեի։
Թուրքիայի վարչապետ, ԱԶԿ նախագահ Բինալի Յըլդըրըմը նախորդ շաբաթ հայտարարել էր, որ իր կուսակցությունը շուտով խորհրդարանին կներկայացնի նոր Սահմանադրոթյան նախագիծը։
Նա մանրամասնել էր, որ խորհրդարանում դրա հաստատման համար անհրաժեշտ է 367 քվե, բայց եթե դրա օգտին քվեարկի առնվազն 330 պատգամավոր, ապա նախագիծը կդրվի հանրաքվեի։
