Գերմանիայի կանցլեր Անգելա Մերկելը շատ բան չի ակնկալում նախագահ Պուտինի հետ հանդիպումից ո՛չ Ուկրաինայի, ո՛չ Սիրիայի հարցով, գրում է Neue Zuercher Zeitung թերթը։
Հոդվածագիրը հիշեցնում է, որ Մերկելը, Օլանդը, Պուտինը և Պորոշենկոն մեկ տարի առաջ հանդիպել են Փարիզում և որոշում էր կայացվել երկարաձգել Մինսկի պայմանավորվածությունների ժամանակավոր շրջանակները։ Այնուամենայնիվ, առանցքային հարցերում ոչ մի առաջընթաց չկա։
ԵԱՀԿ դիտորդներն իրենց հերթին նշում են, որ իրենց աշխատանքներին պարբերաբար խոչընդոտում են, խախտումներ կան նաև ծանր սպառազինությունը հեռացնելու հարցում։
Մերձավոր Արևելքում տեղի ունեցող իրադարձությունների ֆոնին Ռուսաստանը իրեն ավելի ուժեղ դիրքերում է զգում։
«Մոսկան պատճառներ չունի Ուկրաինայի հարցում մեղմ դիրքորոշում բռնելու համար»,-եզրակացնում է հեղինակը։
