Ստամբուլյան ոստիկանության ստորաբաժանումները չորեքշաբթի օրը ցուցարարներին ցրելու համար կրկին արցունքաբեր գազ և ջրցաններ են կիրառել, փոխանցում է reuters գործակալությունը:
Մի քանի հարյուր ցուցարարներ փողոց էին դուրս եկել՝ ի նշան ոստիկանության դաժան վերաբերմունքի դեմ բողոքի, ինչպես նաև այն տղային աջակցելու, ով, որոշ տվյալների համաձայն, գլխին արցունքաբեր գազի տարայով հարված ստանալուց հետո կոմայի մեջ է գտնվում: Տղան տուժել է ոստիկանության հետ բախումների ժամանակ:
Ոստիկանները ցուցարարներին կանգնեցրել են Թաքսիմ հրապարակից ոչ հեռու: France Presse գործակալության տվյալներով՝ չորս մարդ է վիրավորվել: Ցույցին ընդամենը հինգ հարյուր մարդ է մասնակցել:
