Ռուսական RIA Novosti լրատվական գործակալության փոխանցմամբ՝ Թուրքիայի փոխվարչապետ Նուման Քուրթուլմուշը հայտարարել է, որ Թուրքիան ունի մի շարք պլաններ՝ կապված Մոսուլից ԴԱԻՇ-ին վտարելու գործողության հետ:
«Հավասարակշռությունը, որը կձևավորվի Մոսուլում (գործողության անցկացումից հետո) անկասկած կարևոր է ինչպես Իրաքի, այնպես էլ Սիրիայի համար:
ԴԱԻՇ-ից ձերբազատվելը կենսական անհրաժեշտություն է: Թուրքիան արդեն իսկ շահագրգիռ բոլոր կողմերին բացատրել է, թե ինչպես է պատրաստվում մասնակցել այդ գործողությանը: Մենք Մոսուլի թեմայով ունենք A, B, C պլաններ:
Մոսուլի գործողությունը պետք է անցկացվի չափազանց ճշգրիտ, քանի որ դա վիթխարի քաղաք է, որտեղ շատ են խաղաղ բնակիչները: Բացի այդ, կարևոր է թույլ չտալ միջդավանաբական ու էթնիկական հաշվեհարդարները»,- ասել է փոխվարչապետը:
