Դեմոկրատական կուսակցությունից ԱՄՆ նախագահի թեկնածու Հիլարի Քլինթոնը մասնակից է Իրանի ռազմական հզորության ուժեղացման համար, կիրակի հայտարարել է Մայքլ Փենսը, որը հավակնում է փոխնախագահի պաշտոնին հանրապետական Դոնալդ Թրամփի թիմից:
Fox News հեռուստաընկերության եթերում նրան խնդրել են մեկնաբանել Եմենում հուսիթ ապստամբների կողմից ամերիկյան նավերի վրա հարձակումները: Փենսը հիշեցրել է, որ «այդ հրթիռները բաց թողած Եմենի ապստամբները օգտվում են Իրաքի աջակցությունից»:
«ԱՄՆ ներկա վարչակազմը Հիլար Քլինթոնի լիակատար համաձայնությամբ իրանցիներին փոխանցել է 150 միլիարդ դոլար (սառեցումից հանված ակտիվների տեսքով), ինչը նրանք ներդրել են ռազմական բյուջեում: Եվ մեծ հավանականություն կա, որ այդ միջոցների որոշակի մասը կարող է ուղղված լինել Եմեն և, վերջին հաշվով, օգտագործված լինել ամերիկյան նավերի վրա հարձակումներում»,- ասել է Փենսը:
