Spletnik.ru-ի փոխանցմամբ՝ Vanity Fair պարբերականը հրապարակել է մոլորակի 100 ամենաազդեցիկ մարդկանց՝ The New Establishment-ի («Նոր էլիտա») վարկանիշային ցուցակը:
Ցուցակի առաջին տեղում Amazon ընկերության 52-ամյա հիմնադիր Ջեֆ Բեզոսն է: Երկրորդ տեղում հայտնվել է Facebook ընկերության 32-ամյա հիմնադիր Մարկ Ցուկերբերգը. նա նախորդ տարի զբաղեցրել է վարկանիշային աղյուսակի առաջին տեղը: Երրորդ տեղում Snapchat հավելվածի 26-ամյա հեղինակ և Միրանդա Քերի ամուսին Էվան Շպիգելն է:
Չորրորդ տեղը զբաղեցրել է The Walt Disney ընկերության ղեկավար Բոբ Այգերը, հաջորդում են SpaceX-ի ու Tesla-ի հիմնադիր Էլոն Մասկը, Netflix սերվիսի հիմնադիր Ռիդ Հասթինգսը, Uber-ի հիմնադիր Տրևիս Կալանիկը, ձեռնարկատեր ու մեդիամագնատ Ռուպերտ Մերդոկը, Uber-ի չինական համարժեք Didi Chuxing-ի հիմնադիրներ Ժեն Լիուն ու Չենգ Վեյը, երգչուհի Բեյոնսեն:
Vanity Fair-ի տարեկան վարկանիշային աղյուսակում ընդգրկվում են ձեռնարկատերեր, դերասաններ, ռեժիսորներ, պրոդյուսերներ, երաժիշտներ և շատ այլ ազդեցիկ դեմքեր:
Հարյուրյակի մեջ ընդգրկվել են նաև Apple-ի գլխավոր տնօրեն Թիմ Կուկը, երգչուհի Թեյլոր Սվիֆթը, Google ընկերության մշակող և համահիմնադիր Լարի Փեյջը, դերասանուհի Ջենիֆեր Լոուրենսը, երգչուհի Ադելը և այլք: Հարյուրյակը եզրափակում է Քարդաշյանների ընտանիքը:
