Մյունխենի «Բավարիա»-ի ավագ Ֆիլիպ Լամը հայտարարել է, որ թիմին ժամանակ է հարկավոր` գլխավոր մարզիչ Կարլո Անչելոտիի գաղափարները կյանքի կոչելու համար:
«Մեզ ժամանակ է պետք` մարզչի փոփոխությանը հարմարվելու համար: «Բավարիա»-ի ֆուտբոլիստները դեռ պետք է ընտելանան Անչելոտիի փիլիսոփայությանը: Ես հանգիստ եմ, քանի որ մեր թիմը գլխավորում է մրցաշարային աղյուսակը:
Ցավոք, Չեմպիոնների լիգայում մենք զիջեցինք «Ատլետիկո»-ին: Բայց սարսափելի ոչինչ չկա: Ակնհայտ է, որ «Բավարիա»-ն պետք է ուժեղացնի խաղը, եթե ցանկանում է պայքարել տիտղոսներ նվաճելու համար: Մենք կարող ենք անել դա»,- Sport1-ը մեջբերում է Լամի խոսքերը:
