ԱՄՆ Հետաքննությունների դաշնային բյուրոն ձերբակալել է ԱՄՆ ազգային անվտանգության գործակալության համար աշխատող մասնավոր ընկերության աշխատակցի։ Նա կասկածվում է գաղտնի տվյալների գողության համար՝ հայտնում է The New York Times-ը։
Պարբերականի տվյալներով՝ ձերբակալվածը համագործակցել է Booz Allen Hamilton ընկերության հետ, որը զբաղվում է Ազգային անվտանգության գործակակության համար գաղտնի կիբեռգործողությունների մշակմամբ ու իրականացմամբ։ Ձերբակալված աշխատակիցը կասկածվում է վնասակար ծրագրի ելքային ծածկագիրը գողանալու մեջ, որը նախատեսված է Ռուսաստանի, Չինաստանի, Իրանի և Հյուսիսային Կորեայի համակարգչային ցանցեր ներթափանցելու համար։
Նշվում է, որ Էդվարդ Սնոուդենը նույնպես աշխատել է այդ ընկերությունում։ 2013-ին նա լրագրողներին էր փոխանցել մի շարք գաղտնի փաստաթղթեր ամերիկյան հատուկծառայությունների գործունեության մասին։
