Չնայած Մաշտոցի պուրակում քաղաքացիական ակտիվիստները մեծ ցնծությամբ տոնում էին հաղթանակը, Երևանի փոխոստիկանապետը Մաշտոցի պուրակում չէր շտապում գնահատական տալ հաղթանակին: Նա նշեց, որ ուրախ է, որ այսպիսի քաղաքացիներ ունենք և նաև ուրախ է, որ այնպիսի իշխանություն, կառավարություն և Երևան քաղաքին վայել քաղաքապետ ունենք, որ ողջամիտ որոշում կայացրեց:
Վալերի Օսիպյանը նշեց, որ սա բոլորի հաղթանակն է։ «Մենք միշտ կանգնած ենք քաղաքացու կողքը, միայն թե քաղաքացին հետևի օրենքներին»,- ասաց նա:
Մեր այն հարցին՝ այդ դեպքում ինչո՞ւ է ոստիկանը ծեծելով բերման ենթարկում քաղաքացուն, Վ. Օսիպյանը պատասխանեց. «Բերման ենթարկելը օրինաչափ կատեգորիա է»: Նա նշեց, որ պայքարող երիտասարդները դեռ աշխատելու տեղ ունեն:
Նրա խոսքերով՝ ոստիկանությունը փորձում է դրսևորել մարդասիրական մոտեցում: Ի պատասխան մեր դիտարկմանը, թե այդպես էլ գնահատական չտվեց ժողովրդի հաղթանակին, նա ասաց. «Ոստիկանությունը կանգնած է քաղաքացու կողքին, թուլ տվեք ես գնահատական չտամ, հարգելի լրագրողներ», ապա հավելեց. «Ցույց տվեք մի մարդու, որ ուրախանա թանկացմամբ, ցանկացած ոլորտում թանակցումը բերում է դժգոհության ալիքի»: