«Կառավարության ձևավորումը գործընթացի մեջ է,- այս մասին լրագրողների հետ զրույցում ասաց Արտաքին գործերի նախարարի տեղակալ Շավարշ Քոչարյանը,- տեսել եք՝ չորս նախարար արդեն նշանակվել է, նշանակվել է փոխվարչապետը, աշխատակազմի ղեկավարը, այնպես որ, սպասենք»:
Հարցին՝ ի՞նչ են հուշում նշանակումները, արդյո՞ք պրոֆեսիոնալ կառավարություն կձևավորվի, Շավարշ Քոչարյանն ասաց. «Ամեն ինչ գնահատվում է աշխատանքով, կտեսնենք»:
Լրագրողները հետաքրքրվեցին՝ արդյո՞ք «Իսկանդերն» ու «Սմերչը», որոնք այսօր շքերթին ներկայացվել են, 200 միլիոն ԱՄՆ դոլար վարկով արժողությամբ ՌԴ-ից գնված զինատեսակների՞ց են, Շավարշ Քոչարյանը չցանկացավ պատասխանել. «Եկեք ես մանրամասները չասեմ՝ որտեղից է գալիս, բայց կարևոր է դա ունենալը, որովհետև մեզ համար նման թեզ է գործում՝ չես ցանկանում լինի պատերազմ՝ եղիր պատրաստ, և մենք պատրաստ ենք: Բազմիցս ասել ենք, որ Ադրբեջանում չկա մի որևէ կետ, որը հասանելի չէ հայկական զենքի համար»,- ասաց նա:
Մանրամասները տեսանյութում:
