Պարսից ծոցի երկրները 2016 թվականի հուլիսին մեծացրել են նավթի արդյունահանումն ու արտահանումը։ Այս մասին հայտնում է Interfax-ը՝ հղում անելով Joint Organization Data Initiative-ի (JODI) տվյալներին։
Սաուդյան Արաբիան հուլիսին հունիսի համեմատ արդյունահանումը մեծացրել է 123 հազար բարելով և հասցրել ռեկորդային ցուցանիշի՝ օրական 10.67 մլն տակառի։
Արտահանումը հուլիսին աճել է օրական 166 հազար բարելով՝ հասնելով 7.62 մլն բարելի։ Դա առավելագույն արդյունք է այդ ամսվա համար դիտարկումների սկզբից (2002թ.)։
Իրաքում նավթի օրական արդյունահանումը հուլիսին հասել է 3.62 մլն բարելի՝ նախորդ ամսվա 3.61 մլն բարելի համեմատ։ Արտահանումը հասել է 2.01 մլն տակառի՝ նախորդ ամսվա 2 մլն տակառի համեմատ։
Իրաքում հուլիսին արդյունահանման ծավալը հասել է օրական 4.61 մլն բարելի՝ համեմատած հունիսի 4.55 մլն բարելի հետ։ Արտահանումը նույնպես մեծացել է՝ 3.17 մլն բարելից հասնելով 3.2 մլն բարելի։
Քուվեյթը հուլիսին նավթի արդյունահանման մակարդակը պահպանել է անփոփոխ՝ օրական 2.95 մլն բարել։ Արտահանումը կրճատվել է՝ 2.07 մլն բարելից հասնելով 2.06 մլն բարելի։