Հայկական ապրանքների և ապրանքարտադրողների «Ոսկե նուռ» ամենամյա տոնավաճառը կբացվի Մոսկվայի կենտրոնական՝ Հեղափոխության հրապարակում, սեպտեմբերի 21-ին: TASS-ը, հղում անելով Մոսկվայի արտաքին տնտեսական և միջազգային կապերի դեպարտամենտի մամլո ծառայությանը, հայտնոմ է, որ նույն օրը Մոսկվայում տեղի կունենա հայ-մոսկովյան հումանիտար ֆորում:
«Դրան կմասնակցեն դեպարտամենտի ղեկավար Սերգեյ Չերեմինը, ՌԴ-ում ՀՀ արտակարգ և լիազոր դեսպան Օլեգ Եսայանը»,- նշել են մամլո ծառայությունում:
«Ոսկե նուռ»-ում, որը կտևի մինչև սեպտեմբերի 25-ը, կներկայացվեն ապրանքներ Հայաստանից, ոսկերչական իրեր և հուշանվերներ, ազգային արվեստի գործեր:
Տոնավաճառի այցելուներին կծանոթացնեն հայկական երաժշտական գործիքների պատմությանը, կազմակերպիչները կպատմեն ազգային պարերի մասին և վարպետության դաս կանցկացնեն բոոր ցանկացողների համար: Այցելուներին հնարավորություն կտան սովորել քոչարի, բերդ, յարխուշտա պարել:
Առաջին «Ոսկե նուռ» տոնավաճառն անցկացվել է Մոսկվայում 2005 թ.:
