Օրերս, վարչապետ Հովիկ Աբրահամյանի հրաժարականից հետո, պարզ դարձավ, որ վարչապետի նոր թեկնածուն Ռուսաստանում բնակվող, Երևանի նախկին քաղաքապետ Կարեն Կարապետյանն է: «Առաջին լրատվական»- ի հետ զրույցում անդրադառնալով հարցին, թե նախագահ Ս. Սարգսյանի այս փոփոխություններն ինչ նպատակ են հետապնդում, քաղաքագետ Գագիկ Համբարյանը նշեց. «Չգիտես ինչու, հիմա ակտիվորեն քննարկում է այն հարցը, որ Կարեն Կարապետյանը երկար տարիներ բնակվել է Ռուսաստանում: Ես դա գնահատում եմ որպես նորմալ երևույթ, եթե Սաակաշվիլին, լինելով Վրաստանի նախագահ և Վրաստանի քաղաքացի, հիմա Ուկրաինայում է բնակվում և աշխատում, կամ եթե Կանադայի քաղաքացին կարող է դառնալ Լատվիայի նախագահ, ապա ինչո՞ւ ոչ, թող Ռուսաստանի քաղաքացին դառնա Հայաստանի քաղաքապետ, առավել ևս, որ հայ հասարկությունը սպասելիքներ ունի»:
Ինչ վերաբերում է իրականացվող փոփոխություններին, քաղաքագետը կարծիք հայտնեց, որ դրանց անհրաժեշտությունը վաղուց կար. «Չգիտես ինչու մեր իշխանությունները կարծում էին, որ վարչապետի փոփոխության մասին կարելի է մտածել միայն 2017-ի մայիսին տեղի ունենալիք 2017թ. ընտրություններից հետո, այնինչ քաղաքական գործընթացների և «Սասնա ծրեր»-ի գործողությունները, առհասարակ հասարակության արձագանքը նրանց գործողություններին ուղղակիորեն «նոկդաունի» ենթարկեցին գործող իշխանություններին:
Հասարակության 90 տոկոսը ծափողջույններով ընդունեց «հանցագործություն» գործած «Սասնա ծռեր»- ին. սա իշխանությունների խնդիրն է. այսինքն՝ իրենք ի՞նչ օրն են գցել հասարակությանը, որ նրանք այդպես են արձագանքում»,- ընդգծեց քաղաքագետը՝ հավելելով՝ Սերժ Սարգսյանը հասկացավ, որ այսպես այլևս շարունակել հնարավոր չէ»:
Մանրամասները՝ տեսանյութում:
