ԱՄՆ-ի Նյու Ջերսի նահանգի Թրենթոն քաղաքի դպրոցներից մեկի ուսուցչուհին հինգ տարեկան աշակերտի մոտ գտել է 30 փաթեթ հերոին, հայտնում է քաղաքի ոստիկանությունը:
Ինչպես գրում է տեղի Trentonian պարբերականը, մանկավարժը տեսել է, որ երեխան խաղում է ոչ մեծ սպիտակ առարկայով: Մոտիկից զննելուց հետո պարզվել է, որ երեխայի ձեռքում հերոինի փաթեթ է:
Ոսուցիչն այնուհետև որոշել է ստուգել երեխայի նախաճաշի տուփի պարունակությունը և այնտեղ հայտնաբերել է ևս 29 փաթեթ հերոին, նշել է ոստիկանության ներկայացուցիչ լեյտենանտ Վարնը:
Երեխային հասցրել են հիվանդանոց: Հաղորդվում է, որ բուժզննման ընթացքում նրա օրգանիզմում թմրանյութ չի հայտնաբերվել:
Ներկա պահին ոստիկանությունը պարզում է, թե որտեղից է երեխայի մոտ հայտնվել թմրանյութը:
