Այսօր Մոսկվայում Ռուսաստանի փոխարտգործնախարար Գրիգորի Կարասինը հանդիպել է Ռուսաստանում Հայաստանի դեսպան Օլեգ Եսայանի հետ:
«Ազատություն» ռադիոկայանը հղումա նելով Ռուսաստանի արտգործնախարարության պաշտոնական կայքէջին, փոխանցում է, երկկողմ համագործակցությանն առնչվող հարցերից բացի անդրադարձ է եղել օրերս հայաստանցի վարորդ Հրաչյա Հարությունյանի մասնակցությամբ մերձմոսկովյան Պոդոլսկում տեղի ունեցած ողբերգական վթարին, որի հետևանքով 18 մարդ մահացել է, ավելի քան 30-ը վիրավորվել:
Կայքի հաղորդմամբ՝ Օլեգ Եսայանն իր անկեղծ ցավակցություններ է հայտնել կատարվածի կապակցությամբ, իսկ ռուսական կողմը հավաստիացրել է, որ համակողմանի քննություն կընթանա՝ պաշտպանելով մեղադրյալի օրինական իրավունքները:
«Երկուստեք մտահոգություն է հայտնվել ողբերգության շահարկման անարժան փորձերի առնչությամբ, որոնք նպատակ ունեն հրահրել ռուս-հայկական բարեկամության ոգուն հակասող տրամադրություններ», – ասված է հաղորդագրությունում:
