Պոդոլսկի մոտ տեղի ունեցած վթարի հետևանքով տուժածներից 12-ի վիճակը շարունակում է մնալ ծանր, ընդհանուր առմամբ հիվանդանոցում է 32 մարդ, այդ թվում՝ մեկ երեխա: Այս մասին հաղորդում է Vesti-ն:
Վթարը տեղի է ունեցել հուլիսի 13-ին, երբ խճաքար տեղափոխող բեռնատարը, որի ղեկին էր Հրաչյա Հարությունյանը, դուրս գալով երկրորդական ճանապարհից՝ բախվել է մարդատար ավտոբուսին, որի հետևանքով զոհվել է 18 մարդ:
Այսօր վթարի վայրում գործարկվել է լուսացույց:
Հաղորդվում է, որ տեղի բնակիչների համար դա մեծ իրադարձություն է, քանի որ նրանք տարիներ շարունակ խնդրել են լուսացույց տեղադրել այդ վտանգավոր ճանապարհին:
Տեղի բնակիչների խոսքերով՝ իրենք տարիներ շարունակ խնդրել են, բողոքել, սակայն ապարդյուն, ինչը շատ վիրավորական է:
