Թուրքայի նախագահ Ռեջեփ Էրդողանը հայտարարել է, որ «Եփրատի վահան» գործողությունը, որը Թուրքիայի զինված ուժերը անցկացնում են Սիրիայի հյուսիսում, կշարունակվի այնքան ժամանակ, քանի դեռ չի վերացել սիրիական քրդերի ինքնապաշտպանական ուժերի կողմից Անկարային սպառնալիքը:
«ԴԱԻՇ-ի դեմ մենք կշարունակենք պայքարել Ջարաբլուսում և Բաշիկում, և եթե հարկավոր լինի, նաև այլ վայրերում: Նույնպիսի վճռականությամբ ենք մենք տրամադրված Սիրիայի քրդական «Դեմոկրատական միության» կուսակցության նկատմամբ (որին Անկարան համարում է ՔԱԿ-ի հետ կապված): Սիրիայի հյուսիսում մեր գործողությունը կշարունակվի մինչև այն ժամանակ, քանի դեռ մենք արմատախիլ չենք արել այդ անջատողական ահաբեկչական կազմակերպությունը»,- հայտարարել է Էրդողանը միտինգի ժամանակ:
Թուրքիան օգոստոսի 24-ին Սիրիայի հյուսիսում սկսել է ԴԱԻՇ-ի դեմ գործողություն: Մեկ օրվա ընթացքում ահաբեկիչները լքել են քաղաքը, սակայն այդ շրջանում քրդերի դիրքերին հարվածները շարունակվել են:
