Տոկիոյում ռեստորաններից մեկում որոշել են այծեր պահել՝ հաղորդում է Reuters-ը:
Անսովոր սրճարանի հաճախորդները ոչ միայն կարող են կերակրել կենդանիներին ու խաղալ նրանց հետ, այլև տանել քաղաք զբոսանքի՝ առանձին վճարի դիմաց:
Ռենա Կավագուտին ռեստորան է բերել իր սև ու սպիտակ այծերին՝ հուսալով կենդանասերների ուշադրությունը գրավել իր բիզնեսի նկատմամբ:
Կնոջ խոսքով՝ ինքը ցանկացել է առանձնանալ մյուս սրճարաններից, որտեղ կարելի էր խաղալ շների ու կատուների հետ:
Բետոնապատ Տոկիոյում ապրողներին շատ հաճելի է գալ Կավագուտիի սրճարան, որտեղ իրենք հնարավորություն ունեն ավելի մոտ լինել բնությանը:
Ընդ որում՝ այծեր պահելը հեշտ գործ չէ: Նրանց հետևից անընդհատ պետք է հավաքել, կերակրել հատուկ դեղահաբերով, որպեսզի նրանցից տհաճ հոտ չգա:
