Մեր ժամանակներում արդեն ոչ ոքի չես զարմացնի կլիմատ-կանտրոլով, սուպերաուդիոհամակարգով, ակտիվ անվտանգության համակարգերով և այլն: Սակայն որոշ արտադրողներ, իրոք, անսովոր բաներ են առաջարկում:
Տեխնոլոգիաներ՝ վատ ճանապարհների դեմ
Գերմանական Mercedes-Benz ավտոընկերությունն իր S-դասի սեդանը հարմարեցրել է վատ ճանապարհներին, որոնցով ստիպված է անցնել մեքենան: Ստերեոխցիկը, որն ամրացված է դիմացի ապակուն, անդադար հետևում է մեքենայից 15 մետր առաջ գտնվող ճանապարհին, պրոցեսորը մշակում է տվյալները, իսկ հզոր հիդրոսարքը բարձրացնում և իջեցնում է բեռնախցիկը: Այս բարդը գործընթացի հաշվարկը մեքենայի մոտ մի քանի միլիվայրկյան է տևում, ադյունքում այն անցնում է սարսափելի ճանապարհներով, իսկ ուղևորներն այդ մասին չեն էլ կասկածում:
Փոշեկուլ–ավտոմեքենա
Honda ճապոնական ավտոարտադրողը Odyssey-ի թարմացված տարբերակի հետ մեկտեղ հաճախորդներին ներկառուցված փոշեկուլ է առաջարկում: Գաղափարն այն է, որ սա ընտանեկան մեքենա է, որի մեջ երեխաները թխվածքաբլիթներ են ուտում, շներն ու կատուները մազ են թողնում, ինչպես նաև հեծանիվներ, սայլակներ և այլ աղտոտող իրեր են դրվում: Այնպես որ, փոշեկուլ այս մեքենայում պարտադիր պետք է լինի:
Առանց ձեռքերի բացվող բեռնախցիկ
Ակտուալ խնդիր է. երբ վարորդը դուրս է գալիս խանութից կամ օդանավակայանից, ձեռքերը զբաղված են, իսկ բեռնացիկը բացող չկա: Այս խնդիրը լուծում է մեքենայի հինգերորդ դուռը ոտքով բացելու ֆունկցիան: Այն հասանելի է Volkswagen Group-ի որոշ մոդելների և Ford Kuga-ի վրա:
Կինոթատրոն՝ անիվների վրա
Mercedes-Benz-ը խոստացել է իր GLA կրոսովերը հագեցնել լազերային լուսարձակներով: Արտադրողները պնդում են, որ այդ լուսատեխնիկան գիշերային ժամերին բարելավում է տեսանելիությունը: Ինչպես նաև GLA-ի երջանիկ տերերը կարող են մի լավ ֆիլմ դիտել դիմացից ընթացող բեռնատարի վրա:
Ջրափոսի խորությունը
Ցանկացած ամենագնացի արտադրող սիրում է նշել, թե ինչ խորության վրայով կարող է անցնել իր թողարկած մեքենան: Սակայն խնդիրն այն է, որ վարորդը երբեմն չի կողմնորոշվում, թե ինչ խորություն ունի դիմացի փոսը: Land Rover-ը պատասխանում է այդ հարցին, այն աշխարհում միակն է, որը հագեցած է Wade Sensing յուրահատուկ համակարգով:
