ԱՄՆ-ն լիովին աջակցում է Թուրքիային որպես իր դաշնակից, չորեքշաբթի հայտարարել է ԱՄՆ փոխնախգահ Ջո Բայդենը Թուրքիա կատարած այցի ժամանակ, հայտնում է RIA Novosti-ն:
«Այն ինչ տեղի է ունեցել հուլիսի 15-ին (հեղաշրջման փորձը), անընդունելի միջամտություն է, հարձակում: Ես եկել եմ այստեղ մեր համերաշխությունը հայտնելու համար: Թուրքիայի հետ մենք դաշնակիցներ և ռազմավարական գործընկերներ ենք: Նախագահ Օբաման հեղաշրջման փորձից հետո առաջինն է թուրք ժողովրդին արտահայտել իր աջակցությունը: Մենք բոլորին ցույց ենք տալիս, թե որքան կարևոր են ամերիկա-թուրքական հարաբերությունները: Մենք որպես դաշնակիցներ լիովին աջակցում ենք Թուրքիային: Եթե Թուրքիային անհրաժեշտ լինի որևէ օգնություն, մենք այն կցուցաբերենք»,- ասել է Բայդենը Թուրքիայի վարչապետ Բինալի Յըլդըրըմի հետ համատեղ մամլո ասուլիսի ժամանակ:
Նա ավելացրել է, որ «ԱՄՆ-ն հանդիսանում է Թուրքիայի լավագույն ընկերը»:
