ԱՄՆ-ի դատարանը արդարացրել է պարեկ-կամավորական Ջորջ Ցիմերմանին, որը 2012թ.-ի փետրվարին գնդակահարել էր սևամորթ դեռահաս Թրեյվոն Մարտինին՝ հաղորդում է CNN հեռուստաալիքը:
Միջադեպը տեղի է ունեցել Սթենֆորդ քաղաքում (Ֆլորիդա նահանգ): 17-ամյա աֆրոամերիկացին խանութ էր գնացել՝ գնելու կոնֆետ ու թեյ: Հետադարձ ճանապարհին նա վեճի է բռնվել ջոկատայինի հետ: Ցիմերմանը զանգահարել է 911՝ գանգատվելով կասկածելի տղայի վարքից, ով, նրա ենթադրությամբ, թմրանյութերի ազդեցության տակ էր: Հանցագործը պատմել է, որ դեռահասը փախել է, իսկ ինքը հետապնդել է նրան, բայց կորցրել է տեսադաշտից:
Ավելի ուշ Ցիմերմանը ոստիկանությանը պատմել է, որ տղային տեսադաշտից կորցնելուց որոշ ժամանակ անց դեռահասը կրկին մոտեցել է իրեն: Նրանք մի քանի բառ են փոխանակել, Ցիմերմանը փորձել է գրպանից հանել հեռախոսը, իսկ այդ պահին դեռահասը հարվածել է իր քթին: Նրա խոսքով՝ դեռահասը իրեն գցել է ու գլուխը հարվածել գետնին, իսկ հետո փորձել է վերցնել իր զենքը: Այդ ժամանակ ջոկատայինը հանել է ատրճանակը և կրակել նրա կրծքին:
